Kompot od dunja

Kompot od dunjaZadnjih dana sve me nešto dunje okupirale. Te nazdravi dunjom, te zaigraj uz Žute dunje carigradske, te počni dan slatkim od dunja…

U stvari, kad god pogledam kroz prozor smješi mi se jedna dunja. Savila se od roda, žuta, mirisna, bogata dunja. Komšijska.

Pa mi nekako stalno na pameti. Mami da je kradem. Mami da je spremam. Zove me, doziva, priziva… I vrtim po glavi šta bih prije, slatko , džem, kitnkez, kompot od dunja…

Ali kad imaš komšije kao što su moje, ne možeš ni pošteno voćku ukrasti. Samo što baciš pogled, eto ih viču: Uzmi, molim te, koliko ti srcu drago. Uzmi, nosi, kuvaj, spremaj. Ne pitaj, samo pokupi koliko ti treba…

I šta sad da radim, kad mi je komšiluk takav, dobar, nesebičan, s osmjehom i raširenih ruku… ma ko bi ih odbio. A ko bi i ovim krasoticama sa grana odolio? Nastavi čitanje

Kontonjada tj. kitnkez

KitnkezU poznu jesen i dugo kroz zimu bakina soba je znala mirisati na dunje. Dunje sa ormara. Ali nisu samo one davale taj čarobni miris hladnoj sobi u kojoj bi vikendom spavali pod debelim pernatim jorganima i slušali bakine beskrajne priče kako se nekada davno, početkom vijeka ( sad već prošlog ) između ratova živjelo u Banatu. Kako se danima spremala zimnica i najljepši džemovi na svijetu. Kako su i kod njene majke mirisale dunje sa ormara, ali i neobična poslastica na koju su djeca posebno kidisala… čarobni kitkez, sir od dunja…

Uvijek mi je to ime bilo čudno, ali slatki zalogaji su bili tako neododljivi da bih brzo zanemarila tu meni neobičnu riječ i prepuštala se nježnom zadovoljstvu slatkih kockica. I onako smo bili naviknuti na mnoge čudne riječi,bakine mađarske,  nama teške za izgovorit koje bi ona ponekad  ubacivala u svakodnevni govor…

Davno sam stigla u Crnu Goru, i bakina kuhinja ostala je samo uspomena. Mnoge delicije koje nam je majstorski pripremala bile su sasvim nepoznate i zapanjujuće ovdje u Crnoj Gori. No poneka delicija bivala je i prepoznata, možda ne baš pod bakinim imenom, ali prepoznata. Tako na primjer, najdivniji sir, sir od dunja, bakin čudesni kitnkez ovdje na Primorju pod uticajem Italije nazivaju kontonjada, pa neka se onda i ova priča baš tako i zove… Nastavi čitanje

Džem od dunja

 Džem od dunjaJesen se razbuktava i bašte lagano šarene. Tata ima mali voćnjak u kojem se nađu poneka  smokva, dunja i nar. Nema voća tu dovoljno za velike i raznorodne zimnice, ali se ipak poneka đakonija pripremi. Tata redovno suši smokve, a mama pripremi slatko od dunja, pa cijele zime uživamo u kolačima, koji mirišu na slasnu zrelu i veselu jesen.

A ja i u petoj deceniji uživam u sitnicama kojima me moji predivni roditelji obraduju. Godina je mnogo, ali i dalje sam dijete koje mama i tata maze i paze. Meni djetinjstvo nikad nije stalo, iako sam već odavno i sama roditelj, ponekad  sam i razmaženo derište koje uživa u pažnji koju na sebe skreće…

Ovih dana poželjela sam spremati džem od dunja. Tata je zabrinuto vrtio glavom, nisu dunje zrele, i nema ih mnogo, a mama ništa nije komentarisala…samo je iz špaiza, njene riznice blaga i čudesa, izvukla teglicu … kaže : prošlogodišnja,sakrila se, slučajno pretekla … Nastavi čitanje

Ajvar od pečenih paprika

Ajvar od pečenih paprikaDa li i kod vas jesen miriše na pečene paprike?

Slatkasti miris blago nagorjelih paprika kod nas već neko vrijeme leluja gradom, a ples vrelog vazduha i dima ukazuje na izvor ovog jesenjeg zadovoljstva.

Od pečenih paprika trista čudesa može se spremiti, ali najljepše čudo od svih je ajvar. Pravi starinski prženi ajvar od čistih paprika, na plotni pečenih…

A ajvar je posao! Tri dana da se njime baviš, pa opet da ti nije žao 🙂

No iako je posao veliki, nećete se pokajati, pa zato krenimo sa pričom, od odlaganja i prevelikog ćakulanja se neće sam spremiti… Nastavi čitanje

Ukiseljena šargarepa

Ukiseljena šargarepaPriznaćete, pomalo neobično. Ukiseljena šargarepa – slatkasta, kiselkasta i još ljutkasta. Priznajem i ja. Neobična ali mnooogo dobra. I da znate nije neka velika dusa za pripremiti, a dodićete lijepo osvježenje klasične zimske postave salata.

Kad mogu krastavci, paprike, cvekla, zeleni paradajz zašto ne bi mogla i šargarepa?

Znam da je mnogi stavljaju u turšiju i miješanu salatu, i sama je tako spremam, ali ovo je ipak malo drugačija salata. Tu je šargarepa soler, glavni lik, a ne samo sporedna uloga… Nastavi čitanje

Sušeni paradajz

Sušeni paradajz

Prethodna sedmica bila je rekordno topla u Podgorici, čak je i zvanično zabilježena najtoplija ikad izmjerena noć, a prethodni rekord je još iz davne 1950.

21.07.2015 najniža izmjerena (noćna) temperatura iznosila je 30,8C, dok je cijela sedmica bila obilježena dnevnim temperaturama preko 40C.

Prošli vikend je već mirisao na osušenu travu i užareni asfaltpa je već i sama pomisao na kuhinju i kuvanje izazivala graške znoja. Ipak ovakav vremenski bilten pogodovao je jednoj kulinarskoj akciji.

Bilo je ovo pravo vrijeme da se pripremi sušeni paradajz. Iako nisam mnogo kuvala, eto, spremala sam zimnicu –u najvrelijim julskim danima… Nastavi čitanje

Džem od jagoda za 30 min

Džem od jagoda

Ako volite ukus jagoda, i uživate u njihovom mirisu i boji, sačuvajte ih i za zimu.

Znam da je mnogima mrska i sama pomisao na kuvanje džemova, dugo stajanje kraj šporeta i dosadno miješanje. Ali isto tako znam i da svi vi uživate u palačinkama sa domaćim džemom, strainskim štrudlama ili nekim novim poslasticama obogaćenim slasnim zalogajima voća.

Ipak, postoji rješenje, koje može da pomiri ove dvije činjenice. Moguće je pripremiti divan džem od jagoda koji tako zanosno miriše, kroz koji se slasno grickaju zanosni komadići jagoda, a ukus i boja naprosto su mu božanstveni.

Priznajem, da sam po prvi put na ovaj način i sama spremala džem, više znatiželje nego povjerenja radi, ali će narednih godina priča biti drugačija, a izgleda da ću već i ove godine morati ponoviti ovo lijepo iskustvo jer je pola teglica već nestalo sa polica, pa ako želim nešto i za zimu ostaviti moraću kuvati još jednu turu… Nastavi čitanje

Pire od bundeve

Pire od bundeve

Za sve zaljubljenike u bundevu.

Jednostavan način za čuvanje divne zlatno žute čarobnice ukusa.

Naizgled je neprivlačna, bezukusna i golema. A već sa prvim rezom bundeva osvaja svojom božanstvenom bojom sunca. Toplina kojom zrači i blagi slatkasti ukus koji se savršeno slaže sa cimetom i vanilom, nije ukus predodređen samo za jesen. U njemu možemo uživati tokom cijele godine.

Pire od bundeve se jednostavno sprema, mada zahtjeva par sati. No ne odustajete, jer posla je stvarno malo. Mnogo manje nego užitka koje ćemo zapakovati i sačuvati za trenutke kad nas uhvati melanholija i ravnodušnost, kad zakiši i kad se smrači, kad nam se mrke misli roje po glavi, da onda izvučemo naše sunce iz ‘rukava’ našu sačuvanu dozu topline i pozitivne energije… Nastavi čitanje

Kisela cvekla

Kisela cvekla

Ako se mislili da je završeno sa zimnicama, eto nije. Ima par divnih namirnica koje možemo i kad zima stigne spremati za zimu 🙂

Cvekla, iako davno pristigla, čuva se po trapovima, pa je možete tokom cijele zime nabaviti i pripremiti domaću kiselu cveklu.

Mi baš volimo ovaj tako jednostavni recept, bez previše začina i blago slatkast, baš kakva je i cvekla u svom prirodnom obliku. Boja ostane savršeno očuvana, a cvekla krckava i bez zemljnog ukusa zbog kojeg mnogi od nje odustaju, kao što smo i mi dugo to radili… Nastavi čitanje

Slatko od dunja

Slatko od dunja

 

 

Bakina i mamina kuhinja su uvijek i svakome nešto posebno. Pa i kad odrastemo, odlepršamo i svijemo svoje gnijezdo, u kojem njegujemo naše malene ptiće često nas sitnica vrati u sopstveno djetinjstvo, u trenutke naizgled zaboravljene, no sačuvane duboku u srcu i najtoplijim uspomenama.

Mamino slatko kojim smo započinjali dan, dunje koje zanosno mirišu sa ormara slike su koje iznenada prostruje kroz glavu i izmame osmjeh na lice.

Slatko ne pravim, ne dočekujem goste kašičicom slatka i čašom vode, nestao je taj običaj, ko će ga znati zašto. Zaboravili smo ga, zanemarili, zaturili.

No mama donese teglicu, malenu, a u njoj slatko od dunja, zlatne kockice slasti, prošarane sjeckanim orasima, i ja se sjetih kako su nekada davno znale mirisati i mamina i bakina kuhinja, na dunje, vanilu i karanfić… Nastavi čitanje