Prhke štrudlice sa dunjama i jabukama

Prhke štrudlice sa dunjama i jabukamaZnate one neodoljive štrudlice što se prosto tope u ustima, uz nježne puter arome prhkog tijesta i zanosne bogate ukuse voćnog fila. Štrudlice u kojima se voće rasipa svojim slatkim čarima i koje su toliko nježne i strastvene u isto vrijeme da njihovoj čaroliji jednostavno ne možete odoljeti, pa je nemoguće zaustaviti se na jednoj, već sama ruka ide ka sljedećoj, i sljedećoj , i sljedećoj … i tako sve dok nestane i posljednja sa tanjira.

Prhke štrudlice sa dunjama i jabkama upravo su takve, božanstvene i neodoljive. Nastavi čitanje

Sukana pita od štavlja i kopriva

 Sukana pita od štavlja i koprivaZnate li šta je štavalj?

Često ga zovu i divlje zelje.

To vam je jedan korov, napasat, pa opet zlata vrijedna biljka.

Fantastičan detoksikant, bogata gvožđem i oksalnom kiselinom, prijatnog  je blago kiselkastog ukusa. Najčešće se u kulinarstvu koristi u čorbama i varivima, pri čemu se nerijetko kombinuje sa drugim lisnatim zelenim darovima prirode.

Ljetos, kad sam bila na selu i ležeći u travi sa maslačkom za uvo zadjenutim ugledala sam busen štavlja. Pa iako su momci navijali da neko meso pod sač ubacimo, radoznalo ipak odlučih prvo napraviti pitu.

Pa iako kažu, radoznalost je ubila mačku, ne ispade tako. Eto, ili je štavalj mnogo dobar, a pita od štavlja još bolja , ili ja nisam mačka….ostala je misterija. Nastavi čitanje

Nutela star

Nutela starIzgledalo je pomalo čudno. Kao u nekom filmu, u dežavu priči… U dva dana troje prijatelja za koje nisam baš sigurna da se međusobno poznaju pitali su me za Nutela star. U stvari, slali su mi linkove na Facebook sa filmićima i slikama divne zvjezdate štrudle sa Nutelom. Pravila sam je prije par godina, ali iznenadni gosti i gladni klinci nisu mi tad ostavili mogućnosti za fotkanjem. Kasnije su došli neki drugi recepti i Nutela star je pala u zaborav.

I onda odjednom je izornila iz tame. Prizvali su je moji prijatelji, podsjetili me na njenu ljepotu i ponukali da je ponovo napravim. Iako sam je ranije pravila od klasičnog tijesta za štrudle, sada sam željela isprobati nešto novo.

Nedavno sam otkrila divno kvasano tijesto koje ne mora da nadolazi već se može odmah oblikovati, filovati i peći. Od njega sam pravila Turban pogaču, pa odlučih ovaj put prevesti ga i u slatku varijantu i tako nastade ova današnja priča… Nastavi čitanje

Brza turban pogača

 Brza turban pogačaBrza turban pogača posebna je po dva kriterija.

1.- Brza je za pripremu jer ne treba da kvasa, odnosno ne čekate da tijesto nadođe, već ga umijesite, razvaljate, filujete i pečete.

2.-Posebnim, a opet jednostavnim načinom motanja dobija se veoma dekorativna pogača.

Brza turban pogača je toliko lijepa, lagana i ukusna da sam je umjesto torte nosila na jedan rođendanac, onako još toplu, hrskavu i mirisnu, direktno iz rerne…

Spremali je u posebnim prilikama, ili samo za redovnu porodičnu večeru, sigurna sam da ćete biti prijatno iznenađeni lakoćom i brzinom pripreme, i da ćete je uvrstiti u omiljene… Nastavi čitanje

Hljeb koji se ne mijesi

 Hljeb koji se ne mijesi

Najljepši miris doma sasvim sigurno je miris toplog,tek pečenog hljeba. Toplina kojom zrači , slatko iščekivanje da se prohladi i tajno otkidanje korice da se hljeb još vruć proba vragolija je s kojom smo rasli i u kojoj i danas uživamo.

Gledala sam na internetu hljeb koji se ne mijesi, poznat kao ‘ No knead bread’. Priznajem, gledala sam te recepte i ideje, ali me nisu nešto zainteresovale ni privukle.

Ali zato kad sam na Blogerijadi ugledala Tanjin hljeb kako se zanosno šepuri na stolu, kad sam čula tu simfoniju pucketanja, savršene hrskave korice koja čuva nježnu, prozračnu unutrašnjost, i kad sam ga zagrizla bila sam očarana, zamađijana, hljeb koji se ne mijesi osvojio me je u potpunosti.

Jedva sam čekala priliku da ga isprobam, pa sam na kraju u pet dana pekla hljeb četiri puta.

Jednom prilikom sam čak pekla i dva odjednom, od ukupno 1700 g brašna, a sad već kujem plan da nam vikend opet zamiriše na topli hljeb i mladi kajmak, onako domaćinski, veselo i toplo… Nastavi čitanje

Urmetin

Urmetin

Skupilo se društvo malo, spremao se sač. No sač treba čekati par sati, pa odlučismo nešto zameziti da ubijemo dokolicu i ne crknemo od gladi prije tople jagnjetine. A uz mezu i razgovor je dinamičniji, veseliji, raznovrsniji, pa kako meza otvara nove teme tako i razgovor otvara apetit… i tako bi mogli u nedogled…

Domaćica zapita hoće li i urmetin iznijeti na sto, da se nađe uz mezetluk, pravila ga to jutro. Začudih se kad čuh ime. Pomislih, kakvom će nas sad đakonijom počastiti, pa ostadoh zbunjena ponuđenim. Ok, kukuruza je na stolu al’ kad će taj urmetin da stigne. Kad, ne leži vraže, priča mi domaćica da se u njenom selu na sjeveru Crne Gore kukuruza kaže urmetin.

Iako prije nisam čula za tu riječ, kukuruzu sam i ranije probala, dakle ništa od novih ukusa. Ali urmetin / kukuruza kojom smo počašćeni bila je fenomenalna, prava đakonija i svakako da zaslužuje i priču i recept na blogu.

Poneko za ukusno jelo kaže ‘sto jezika govori.’, e pa ova kukuruza ponegdje zvana urmetin i sto jezika govori i sto imena ima, a ja evo naučih jedno od njih… Nastavi čitanje

Proja sa sremušem

Proja sa sremušem

Proljeće je napokon stiglo. Otoplilo je , razmakli se crni odlaci i stale aprilske kiše. Pravo je vrijeme za izlete i šetnje, za otkrivanje novih lijepih krjolika koji pune srce i hrane dušu…

Ipak, odsjedićemo cijeli april kod kuće, nosa pomoliti nećemo. Zabavljati ćemo se u malom krugu prijatelja koji su naše nedaće već prebrodili.

Dobili smo boginje. Jednostvne dječije, ovčije boginje osvanule su na veliki Petak na najmlađem sinu…i sad se mazimo, puderišemo, češkamo koliko smijemo i sjedimo kući…

Družimo se u četiri zida, gledamo crtaće i planiramo buduće avanture.

Jutros na pijaci naiđoh na baku sa vezom sremuša, pa za doručak neplanirano ispade proja sa sremušem. A dok smo doručkovali klinci se sjetiše prošlogodišnjeg izleta na Biogradsko jezero, gdje smo brali sremuš, tu čudnu travku koja miriše pomalo na bijeli luk i za koju kažu da je prvi obrok medvjedu kad se probudi iz zimskog sna, pa je još i zovu medvjeđa trava…

Dogovor je da čim boginje prođu, odemo u nove avanture, a prva od njih biće novi izlet na Biogradsko… Nastavi čitanje

Proja

Proja

Stalno me pitaju koja je korist od blogovanja. I ja iznova odgovaram – prijatelji. Mnogo sam divnih ljudi srela u tom digitalnom svijetu a broj toplih, veselih i nježnih prijateljstava raste sa svakim postom koji objavim. Divno je to rastuće prijateljstvo, ideje i podrške koje dobijate, radosti koje dijelite.Ponekad i tuge, probleme, nedoumice…

Prijatelje u našim godinama dijelimo na rijetke iz školskih dana, mnogo češče su to već ozbiljna studentska prijateljstva, pa slijede i sportska, poslovna, porodična… a ja sam sretna jer imam još jednu kategoriju, blogerska…

Nale i njena Coolinarija su jedni od njih. Upoznajte moju prijateljicu Nale uz predivnu proju spremanu po njenom receptu. Nastavi čitanje

Cimet rolnice s bundevom

Cimet rolnice

 

Volite ukus cimeta. Volite bundevu. Volite topla dizana tijesta.

Onda ste na pravom mjestu, i ovo je recept za Vas. Cimet rolnice s bundevom, ako ih već niste uvrstili u omiljene , sigurna sam da hoćete.

Nevjerovatno mekano i sočno tijesto. Vesela boja, i divno aromatično punjenje, osvajaju i izgledom i ukusom, pa cimet rolnice ne možete ne voljeti. Nastavi čitanje

Pogačice s čvarcima

Pogačice s čvarcima

Još jedan recept koji miriše na djetinjstvo.

Bakin specijalitet, tople i hrskave i mekane pogačice s čvarcima, koje se divno listaju i prosto tope u ustima , bude neke drage uspomene.

Čvarke rijetko spremam, ipak barem jednom godišnje zamijesim pogačice, pa ih satima preslažem i listam tijesto.Ali svaki trenutak uloženog vremena, jer za njihovu pripremu treba više vremena nego truda, svaki trenutak uloženog vremena se višestruko isplati.

Znate već one momente, kad hladne zimske noći zamirišu na topli dom, porodicu i zagrljaje…znate one momente koji nemaju cijenu, a koje dugo nosimo u srcu, i koje brižno čuvamo kao našu malu tajnu riznicu pozitivne energije… Nastavi čitanje