Grilovana voćna salata

Za nama je jedno divno ljeto, ponešto putovanja, mnogo avantura , a ponajviše druženja uz vatricu i roštilj. Roštiljali smo na raznim mjestima, s mnogim prijateljima, često i svakojako. A apsolutni hit svih roštilja bilo je grilovano voće.

Sočno i svježavajuće grilovano voće, prava je eksplozija ukusa. Krasota koja se dugo pamti i prepričava. Ima nešto posebno u tim pomalo gorkim aromama toplog karameliziranog voća, cimetu koji se lijepi za nepce, svježini voća i toploj dodatno pobuđenoj slasti…

Ali, završilo se ljeto, a meni se ne odustaje od ove slastice, pa sam pronašla i zamjenski režim pripreme. Sve što se griluje na roštilju može se pripremati i na Stone Legend Grilu. Još brže i jednostavnije, i tako jednog kišnog , prohladnog i mračnog vikenda nastade topla, aromatičn,a vesela grilovana voćna salata…

 

  • 1 kruška
  • 2 kivia
  • ½ grejpfruta
  • 1 banana
  • 1 kašika šećera
  • 1 kašika meda
  • 30 ml ruma
  • Pola kašičica cimeta
  • 1 kašika maslinovog ulja
  • 1 šlag

Cio proces traje 15-20 minuta. Nije previše ni važno koje ćete voće pripremati, igrajte se, kombinujte, snađite u momentu…sigurna sam, pogriješiti nećete.A evo i kako sam ja pripremila grilovanu voćnu salatu.

Prvo sam umutila 1 šlag, onaj klasični koji se priprema sa vodom, i bez dodatnih šećera.

Za dvije porcije sam ogulila i na komadiće izrezala krušku, bananu, 2 kivia i pola grejpa.

Htjela sam i breskve i smokve dodati, ali one su, na žalost, nestale sa ljetom.

Komadiće voća sam posula kašikom kristal šećera, kašikom maslinovog ulja i blago promiješala. Stone Legend Grill sam ugrijala na srednje jakoj vatri i po njemu rasporedila voće. Grilovala sam voće po 1-2 minuta sa svake strane a zatim sve sklonila sa vatre.

Pripremila sam preliv od meda, cimeta i ruma i njime prelila još toplo voće u grilu. Sve lagano promiješala i ostavila da se prohladi na sobnu temperaturu.

Rasporedila voće u zdjelice, dodala šlag i  grilovana voćna salata za čas je donijela dašak ljeta u jedan sivi i tmurni vikend.

Toplo vam preporučujem da je isprobate, i da se i vi uvjerite da gril ne služi samo za meso i povrće…

 

Post nastao u saradnji sa Delimano Stone Legend posuđem.

Preporučujemo:

Krmenadle s brokolima u bijelom vinu
Pečeno povrće
Imam bajaldi
Rustični domaći hljeb

One thought on “Grilovana voćna salata

Leave a Reply

Your email address will not be published.