Kofere smo spakovali, a ovaj put nosimo i malčice tehnike kako bi ova blogoholičarka mogla i sa plaže napisati poneki post. Ipak odmor je odmor, što znači da će biti mnogo pijeska i sunca,uživanja u nestašnim talasima, šetnjama uz plažu i neizostavnim morskim specijalitetima. Biće mnogo interesantnih kombinacija, a nezaobilazni pratilac svih tih morskih čudesa je dalmatinsko varivo, neizostavan prilog uz ribu. Dalmatinsko varivo možete spremati sa blitvom ili spanaćem , ali jednako dobro ide i sa keljom ili mladim raštanom…
- 500 g blitve (60 kcal)
- 500 g krompira (440 kcal)
- 3 češnja bijelog luka
- so, biber
- 30 ml maslinovog ulja (270 kcal)
Ukupno: 770 kcal
Krompir oguliti i izrezati na kocke, pa staviti da se bari u slanoj vodi. 5 min nakon što je voda proključala, dodati i blitvu izrezanu na rezance 1-2 cm širine, pa kuvati zajedno na tihoj vatri još 15 min. Kad bude krompir gotov i blitva će biti sigurno.
U posebnoj šerpici na malo maslinovog ulja propržiti sitno sjeckani bijeli luk, vrlo kratko, samo da luk pusti miris.
Blitvu i krompir ocijediti ‘preko poklopca’, pri čemu nije problem ako ostane malo vode. Toplo se prelije uljem i bijelim lukom pa se pospe biberom po ukusu. I za kraj sve se lagano promješa.
Navikli smo da stalno pripremamo dalmatinsko varivo tj. blitvu s krompirom uz ribu, mada je ovo lagano jelo lijepo kao hladnu salata ili toplo predjelo,uz razne vrste mesa ili čak samo uz domaći sir…
U kojoj god kombinaciji da je, divno je. A definitivno najbolje ide uz ribu tek izvađenu iz mora, dok talasi zapljuskuju ogradu restorana,maestral mrsi kosu, a sunce se zalazeći ogleda u čaši hladnog bijelog vina…
Preporučujemo:
Kelj ‘na salatu’ |
Katunsko varivo |
Orada iz rerne |
Krompir salata |
