[1]
Šufnudle [2] , njoke,valjušci, prst-nudle … sve zavisi koga na šta asociraju. Mene ipak uvijek podsjete na djetinjstvo i bakine ‘nudle’ jer dugo nisam uspjevala pravilno ih izgovoriti. Ovo je ustvari krompir-tijesto, isto kao ono za knedle, od kojeg se prave valjušci izmedju dlanova, koji podsjećaju na prste, oni se bare u slanoj vodi i jedu sa omiljenim gulašom…
- 1 kg krompira (880 kcal)
- 3 jaja (240 kcal)
- Oko 1 kg brašna (3500 kcal)
- Kašika masti (oko 25g – 221 kcal)
Ukupno:4841 kcal
[3]Potrebno je obariti 5-6 krompira, nekad su bareni ucijelo, pa se naknadno gulili i presovali, ali mislim da je lakše krompir oguliti i isjeći na veće kocke, npr četvrtine, pa obariti u neslanoj vodi. Ocijediti i dobro umutiti mikserom , onim mješalicama za žitko tijesto. Barem tako ja radim.
U ohlađen krompir dodati 3 jaja i brašna koliko tijesto pokupi, da je što mekše ali da se ipak ne lijepi za ruke. U međuvremenu staviti poveću šerpu vode da prokuva, praviti nudle valjajući dijelove tijesta između pobrašnjanih dlanova, pa ih bariti u vodi, a gotovi su kad isplivaju. Treba im ipak malo više vremena da se skuvaju nego kupovnoj testjenini.Ocijediti ih, i blago pouljiti kako se ne bi ljepile jedna za drugu.
[4]Iako smo mi uvijek jeli šufnudle sa gulašom [5], mogu se jesti i u slatkoj varijanti, umješane u prezlu i orahe, uz neki lijepi džem. Od istog tijesta prave se i knedle sa šljivama, [6] pa ponekad umijesim više tijesta i spremim desetak knedli za desert…
Priznajem, rijetko ih spremam, uglavnom vikendom, ali kad ih spremim – prste ližemo…
Preporučujemo:
Knedle sa šljivama [6] [6] |
Crnogorska večera [7] [7] |
Krompir pod peršunom [8] [8] |
Pekarski krompir [9] [9] |