[1]
Uživanje na morskim talasima potpuno je tek uz prave zalogaje. Iako daleko od kuhinje, ne mogu ja bez da pomalo ‘zakuvam’.
Pa dok se društvo okupljalo i dogovaralo koje će vino noćas pasti, ja spremih nešto za ‘na-zub’. Morska večera brzo je bila spremna, a i morski vukovi orni da uživaju u njoj…
- 200 g dimljene pečenice
- 250 g feta sira
- po 100 g zelenih i rnih maslina
- po 100 g običnih i pečenih badema
- 1 kg ananas dinje
- 400 g crnih smokvi
- 300 g bijelog grožđa
- 2 kesice brusketa
U uglove složih voće , po sredini pečenicu i kockice sira i preko njih masline. Sve pomalo zgužvano bez velikog slaganja i poravnavanja, taman kao i morske frizure i haljine.
[2]
Dinju sam izrezala na kriške, a smokve samo malo zarezala, pri čemu sam birala smokve koje su počele da se suše još na grani, iako nisu najizglednije, provjereno su najslađe.
I na kraju još koja kriškica Moreti brusketa okolo, i kreacija zvana morska večera bila je spremna da prodefiluje iz ‘kuhinje’ do terase na pjeni od mora.
I tako slušajući kako more zapljuskuje pješčanu obalu, obasjani mjesečinom dok je žmirkanjem zvijezda pravilo prirodne lajt-motive, uz vino i morske zalogaje veselo društo ćakulalo je do kasno u noć …
[3]
Preporučujemo:
Mediteranski pjat [4] [4] |
Smokve sa pršutom [5] [5] |
Džem od smokava [6] [6] |
Crnogorska večera [7] [7] |