[1]Odavno se već pipun ima za kupiti tokom cijele godine, ipak najljepši i najslađi je u kasno ljeto kad dozrijeva u naši baštama.Dobro ohlađen, izrezan na kriške ili kocke, pravo je ljetnje osvježenje, nezaobilazno ne cijelom prelijepom Mediteranu.
Danas vam ipak spremam samo malčice drugačiji – pijani pipun…
[2]
- 1 kg pipuna (340 kcal)
- 100 ml ruma (280 kcal)
- 100 g suvog grožđa (306 kcal)
Ukupno 926 kcal
Pipun ili dinju, zavisno kako ih zovete treba staviti da stoji uspravno, pa joj odrezati dio sa peteljkom, otprilike jednu četvrtinu, da bi dobili zdjelu i kapicu. Kašikom izdubiti sjemenke i očistiti pipun iznutra, pa ga napuniti suvim grožđem i rumom, i poklopiti.
[3]
Ostaviti da stojiu frižideru nekoliko sati da se dobro ohladi i da se pipun opijani, a grožđice nabreknu.
Pri serviranju polako isprazniti pipun u čašu pa ga oguliti i isjeći na kockice i onda sve opet preliti ocijeđenim rumom i grožđicama, pa ukrasiti kojim listićem svježe nane.
Upozorenje:
Ne preporučuje se upravljanje motornim vozilima nakon konzumiranja, uprotivnom bi razgovor sa predstavnicima zakona mogao izgledati :
Dobro veče, dokumenta molim! Da li ste pili nešto večeras…
Ne ništa,hik, samo koje parče pipuna, hik… 🙂
[4]
Preporučujemo:
Voćna salata [5] [5] |
Marinirana pastrmka [6] [6] |
Ljutica [7] [7] |
Salata s piletinom [8] [8] |