[1]Vrijeme je da se peče božićni kolač…
- 1 kesica suvog kvasca ( ili 30g svježeg)
- 150 g maslaca ili margarina
- 70 g šećera
- 1 vanilin šećer
- 1 jaje + 4 žumanca
- 2-3 kašike ruma (ko voli)
- Ribana kora jednog limuna ili pomorandže
- Malo soli (ravna mala kašičica)
- 250 ml mlijeka
- 500g brašna
- 200 g grožđica (ja stavim sve zajedno 400g miksovano šta mi dođe pod ruku, dajte mašti na volju – suvo grožđe, suve smokve, suve šljive, suve kruške, suve kajsije, brusnice, koštunjičavo voće po ukusu…)
Omekšali maslac mutiti mikserom ili žicom dok ne zapjeni, pa dodavati postepeno šećer, vanilin šećer, jaje, žumanca, rum, rendanu koru limuna ili pomorandže.Sve sjediniti u ujednačenu masu. Na to sipati sjeckano suvo voće i prosijano pa posoljeno brašno, kvasac i toplo mlijeko. Ako se koristi svježi kvasac, prethodno ga potopiti u mlijeko sa 1 kašičicom šećera, pa kad se rastopi i „zapjeni“ sipati u brašno.
Tući varjačom dok se ne pojave mjehurići.Ostaviti na toplom mjestu da duplo nadođe. Kad je nadošlo, istući još jednom varjačom, sipati u pleh obložen pek-papirom ili namašćen i pobrašnjen kalup (umjesto brašna mogu se koristiti i hlebne mrvice ili mljeveni orasi, ljepše je). Kad naraste do ¾ pleha (ili duplo manje nego što je prethodno naraslo), staviti u zagrijanu rernu na 100oC,pojačati na 200 C i peći 45-50 minuta. Pečeni kolač posuti prah-šećerom.
Prijatno!
P.S. Ako stavljate orahe, lješnike, bademe … ukoliko vas mrzi da sjeckate pa koristite neki električni „secko“ dio će vam neminovno biti samljeven, a taj samljeveni dio će da potamni kolač. Kome ne smeta, neka izvoli 🙂
Preporučujemo:
Komisbrot [2] [2] |
Božićni vjenac [3] [3] |
Šmarne [4] [4] |
Dobrotska torta [5] [5] |