[1]
Punjene paprike obavezan su ljetnji obrok, često je na stolu, a skoro uvijek spremljen je za dva dana. Omiljeno je ljetnje jelo koje može da odstoji koji dan u frižideru i bude podgrijano baš kad vam treba. Punjene paprike jedan su od aduta svih domaćica, i prepoznatljivih ljetnjih mirisa …
- 15 manjih paprika babura (oko 1.5 kg – 300 kcal)
- 700 g mješanog mljevenog mesa ( oko 2275 kcal)
- 1 glavica crnog luka (oko 100g – 23 kcal)
- 2 češnja bijelog luka
- 2 šargarepe ( oko 200g – 72 kcal)
- 2 paradajza (oko 300g – 42 kcal)
- Par listova celera
- Pola šoljice riže ( oko 50g = 168 kcal )
- kašika brašna (35 kcal)
- crvena paprika, so i biber
- 1 dcl ulja (900 kcal)
Ukupno: 3815 kcal
Potrebno je na malo ulja izdinstali crni i bijeli luk, pa mu dodati mljeveno meso i rendanu šargarepu. Malo začina i bibera, pa sve zajedno dinstati dok meso ne promijeni boju. Na kraju dodati propranu rižu dobro promiješati, i ostaviti da se prohladi.
Paprike oprati , izdubiti, pa puniti mesnom smjesom. Paprike ređati u pekač okrenute otvorom na gore, tijesno jednu uz drugu, dok ne potrošite sve paprike i svu smjesu, a zavisno od veličine paprike, možda ih nije baš 15.
Napraviti laganu zapršku, na malo ulja propržiti brašno, da zapjeni, dodati crvenu papriku, pa razrijediti čašom hladne vode i dodati dva mljevena paradajza.. U kraj pekača sipati vode da paprike ogreznu, preliti zaprškom i posuti još malo začinom i biberom pa samo lagano prodrmati pekač ne bi li se zaprška ravnomjerno rasporedila i poklopiti. Staviti u rernu na 200C oko sat vremena, bez mješanja.
Pečene paprike posuti svježim listovima celera , a idealan kombinacija sa pečenim paprikama je ništa drugo do krompir pire [2].
Preporučujemo:
Punjeno povrće [3] [3] |
Čorba od mladog luka [4] [4] |
Gulaš s bundevom [5] [5] |
Čamci od tikvica [6] [6] |