- Kuvaj za me - http://www.kuvajza.me -

Komisbrot

Komisbrot [1]

Volim kad dobijem recept na dar, sretna sam kad mi prijatelji kažu:

Ali najljepše je kad dobijem kolač na dar.

Komisbrot koji sprema moja prijateljica M. je najljepši, najsočniji, najukusniji i meni najdraži. Pa kad je M. došla sa zamotanom tacnom ponadala sam se da je baš on sakriven ispod folije. I bio je , moj omiljeni komisbrot, mirisan i još uvijek topal.

Ukupno: 3720 kcal

Izvaditi puter i jaja iz frižidera i pustiti ih da dobiju sobnu temperaturu.Orahe i suve smokve nasjeckati. Sjeckane smokve i suvo grožđe preliti rumom i toplom vodom da se napiju, polako nabreknu i omekšaju.

Razdvojiti žumanca i bjelanca. Bjelanca umutiti sa malo soli, pa dodavati polagano šećer i mutiti srednjom brzinom da se dobije čvrsti šam.Dodati uz neprestano mućenje vanil šećer i sok od limuna (ako volite jaču aromu možete narendati i malo korice).

Muteći najsporijom brzinom, umutiti u šam omekšali puter i 120 g brašna, dodajući kašiku po kašiku. Na kraju dodati orahe , smokve i grožđe (bez suvišne tečnosti) i lagano promješati.

Kalup premazati mašću (ako ne koristite mast, može i puterom) i posuti brašnom, pa usuti pripremljenu smjesu za komisbrot.Peći na 180C oko 40 min. Izvaditi i ostaviti da se prohladi u kalupu, pa izvrnuti iz kalupa i servirati komisbrot posut mljevenim šećerom.

Komisbrot [3]Ja sam ovaj komisbrot dobila na dar, predivan i nježan, a sad ga šaljem dalje. Neka baš on bude moja ulaznica za igricu Ajme, koliko nas je [4] u kojoj je junska domaćica Anja sa bloga  Sweethearts [5]  zadala temu bjelanca.

PS.

Kažu da komisbrot može dugo stajati i sačuvati svoju svježinu. Možda je to samo legenda, a možda i ne, kod nas je on uvijek kratkog vijeka. Kako izgleda trećeg dana nismo uspjeli saznati…

Preporučujemo:

Božićni kolač [6]
Božićni kolač [6]
Orasnice [7]
Orasnice [7]
Bojanina torta [8]
Bojanina torta [8]
Šmarne [9]
Šmarne [9]